Meirihluti áfram gegn ESB-aðild

Mikill meirihluti Norðmanna er sem fyrr andvígur inngöngu í Evrópusambandið samkvæmt niðurstöðum nýrrar skoðanakönnunar sem fyrirtækið Sentio gerði fyrir norsku dagblöðin Nationen og Klassekampen.

Samkvæmt skoðanakönnuninni eru 70,5% Norðmanna andvíg aðild að ESB en 17,8% henni hlynnt. Meirihluti kjósenda allra stjórnmálaflokka í Noregi er á móti aðild. Þar með talið kjósendur Hægriflokksins sem er hlynntastur inngöngu í sambandið. 29,9% kjósenda flokksins styðja aðild að ESB en 60% eru hins vegar á móti henni.

Mest andstaða er á meðal kjósenda norska Miðflokksins en einungis 4,1% þeirra styður aðild að ESB. Mestur stuðningur er hins vegar á meðal kjósenda Venstre en fjórir af hverjum tíu kjósendum hans styðja aðild.

Frá þessu er greint á fréttavefnum Abcnyheter.no

• 4 blogg um fréttina

Bloggað um fréttina

• Jóhann Elíasson: LÍKLEGA ER HLUTFALLIÐ HÉR Á LANDI SVIPAÐ..............
• Óðinn Þórisson: Meirihluti íslendinga gegn ESB - aðild
• Samtök um rannsóknir á ESB ...: Fjórfalt fleiri Norðmenn andvígir ESB-inngöngu en þeir sem sækjast eftir …
• Heimssýn: Stór meirihluti Norðmanna andvígur aðild að ESB - afturköllum umsóknina!