Lögreglumaður skotinn til bana

Lögreglumaður lét lífið í morgun og annar særðist eftir að skotárás var gerð á lögreglustöð í bænum Blooming Grove í norðausturhluta Pennsylvaníu-ríkis í Bandaríkjunum.

Fram kemur í frétt AFP að ekki sé vitað hvert tilefni skotárásarinnar var og enginn hafi verið handtekinn vegna hennar. Mikill viðbúnaður er á staðnum af hálfu lögreglu og umfangsmikil leit er hafin að árásarmanninum. Fjölmörgum götum í nágrenni lögreglustöðvarinnar hefur verið lokað samkvæmt bandarískum fjölmiðlum.

• 1 blogg um fréttina

Bloggað um fréttina

• Haraldur Haraldsson: Lögreglumaður skotinn til bana/Þetta er svona ,að glæpir varða alltaf …