Forsætisráðherra Bretlands, David Cameron, ætlar að biðja Elísabetu Englandsdrottningu persónulega afsökunar á ummælum sínum um að hún hafi bókstaflega malað þegar hann hringdi í hana til þess að tilkynna um niðurstöðu þjóðaratkvæðagreiðslunnar í Skotlandi. Breskir fjölmiðlar greina frá þess í dag.

Sem kunn­ugt er höfnuðu Skot­ar sjálf­stæði í at­kvæðagreiðslunni. Um 55% kjós­enda vildi vera áfram hluti af Bretlandi á meðan 45% studdu sjálf­stæði. 

Ca­meron lét um­mæl­in falla í sam­tali við Michael Bloom­berg, fyrr­ver­andi borg­ar­stjóra New York, en sjón­varpstöku­menn Sky News tóku upp sam­talið upp á meðan þeir voru að fylgja eft­ir Ca­meron og Bloom­berg í Bloom­berg-bygg­ing­unni í New York. 

Ca­meron sagði við Bloom­berg að hann hefði hringt í Breta­drottn­ingu til að láta hana vita að kosn­ing­in hefði endað vel. „Hún malaði alla leið í gegn­um lín­una. Ég hef aldrei heyrt neinn gleðjast jafn mikið,“ sagði breski for­sæt­is­ráðherr­ann. 

Cameron segist dauðskammast sín og sé algjörlega miður sín yfir þessu. Um einkasímtal hafi verið að ræða og hann hafi ekki átt að greina frá. 

Tengdar fréttir

Skotland

Swinney nýr forsætisráðherra Skotlands

• Síðustu vikur martröð fyrir Stur­geon
• Murrell enn félagi þrátt fyrir rann­sókn
• Vilja kjósa um sjálfstæði Skotlands á ný
• Skrifaði bréf til Sturgeon

» Fleiri tengdar fréttir

• Blogga um frétt