Að minnsta kosti 100 þúsund myndir, sendar með snjallsímaforritinu Snapchat, komust í hendur tölvuþrjóta sem hafa lekið þeim á netið. Þar á meðal eru nektarmyndir af notendum undir lögaldri. Þetta kemur fram í frétt Business Insider.
Snapchat nýtur mikillar hylli meðal ungs fólks en forritið, sem sendir myndir og myndskeið, var kynnt til sögunnar í september 2011. Það voru nemendur við Stanford háskóla sem hönnuðu appið en skilaboð, texti og myndir, sem send eru með Snapchat hverfa nokkrum sekúndum eftir að þau eru skoðuð.
Í fréttinni kemur fram að tölvuþrjótarnir séu búnir að safna myndunum um nokkurra ára skeið, en þeir notuðust við forrit sem gerði þeim kleift að safna öllum myndum og myndböndum sem send voru í gegnum forritið. Myndunum var lekið á síðuna 4chan á fimmtudagskvöld, og hefur lekinn verið nefndur „The Snappening.“
Myndirnar voru seinna fjarlægðar af 4chan, en margir notendur síðunnar höfðu þegar sótt þær. Vinna þeir að því núna að útbúa til gagnagrunn þar sem hægt er að leita í stolnu myndunum með Snapchat-notendanafni. Lekinn er mun stærri en þegar nektarmyndum af frægum leikkonum var lekið á netið í síðasta mánuði.
Frétt mbl.is: Lítið happ fyrir notendur Snapchat
Snapchat hefur tjáð sig um málið á Twitter, og segir ekki hafa verið brotist inn í þeirra kerfi.
We can confirm that Snapchat’s servers were never breached and were not the source of these leaks.
— Snapchat (@Snapchat) October 10, 2014
Snapchatters were victimized by their use of third-party apps to send and receive Snaps, a practice that we expressly prohibit in our ToU.
— Snapchat (@Snapchat) October 10, 2014