Breski sjálfstæðisflokkurinn með 25%
Setja bókamerki
Breski sjálfstæðisflokkurinn (UKIP) mælist með 25% fylgi samkvæmt niðurstöðum nýrrar skoðanakönnunar sem gerð var af fyrirtækinu Survation fyrir breska dagblaðið Mail on Sunday. Könnunin var gerð í kjölfar þess að flokkurinn fékk fyrsta þingmann sinn kjörinn á breska þingið í kjördæminu Clacton fyrir helgi. Önnur könnun fyrir breska dagblaðið Observer sýndi Breska sjálfstæðisflokkinn með 17%.
Undanfarna mánuði hefur Breski sjálfstæðisflokkurinn mælst með í kringum 14% fylgi samkvæmt skoðanakönnunum en meginstefnumál hans er að Bretland segi skilið við Evrópusambandið. Þá leggur hann einnig áherslu á hertari innflytjendalöggjöf. Einkum gagnvart öðrum ríkjum sambandsins. Flokkurinn hefur um árabil haft þingmenn á Evrópuþinginu og fékk flesta fulltrúa kjörna á þingið af breskum stjórnmálaflokkum síðastliðið vor.
Breski Íhaldsflokkurinn og og Verkamannaflokkurinn mælast með jafnmikið fylgi samkvæmt skoðanakönnuninni fyrir Mail on Sunday eða 31%. Frjálslyndir demókratar, sem verið hafa þriðji stærsti flokkur Bretlands undanfarna áratugi og myndar núverandi ríkisstjórn landsins ásamt íhaldsmönnu, mælist með 8%.
Hagsmunir íbúa að leiðarljósi
Jón „mun ekki koma nálægt meðferð hvalamálsins“
Sleginn yfir grófri framkomu gegn fjölskyldunni
Slasað barn fær ekki styrk vegna leigu á hjólastól
„Einhverjir töfrar sem gerast“
Önnur aurskriða við Eyrarhlíð
