Annar starfsmaður sjúkrahússins í Dallas þar sem sjúklingur smitaður af ebólu lést, hefur greinst með ebólusmit. Hjúkrunarfræðingur sem einnig annaðist sjúklinginn greindist fyrir nokkru með ebólu og enn er allt á huldu hvernig hún smitaðist.

Í frétt BBC kemur fram að Nina Pham, sem greindist með ebólu í síðustu viku eftir að hafa annast  Líberíumanninn Thomas Duncan er hann lá á sjúkrahúsi í Dallas, sé við þokkalega heilsu. 

Fylgst er grannt með 48 manns sem komust í snertingu við Duncan, þar á meðal fjölskylda hans og þeir sem önnuðust hann á sjúkrahúsinu.

Ekki hefur verið upplýst um hver viðkomandi er sem nú hefur greinst með smit annað en að um heilbrigðisstarfsmann sé að ræða sem hafi komið að umönnun Duncans á sjúkrahúsinu.

Þegar viðkomandi fékk hita í gær var hann þegar settur í einangrun, samkvæmt tilkynningu frá yfirvöldum í Texas.

Alls eru 4.447 látnir úr ebólu frá því faraldurinn braust út, flestir í Vestur-Afríku.

Tengdar fréttir

Ebólufaraldurinn

Ný ebólusmit í Kongó

• Ebólublaðamaður myrtur í Kongó
• Ný ebólusmit í Kongó
• Læknar ákærðir fyrir morð á lækni
• Loka landamærum vegna ebólufaraldurs

» Fleiri tengdar fréttir

• 1 blogg um fréttina

Bloggað um fréttina

• Stefán Þ Ingólfsson: Andvaraleysi gagnvart Ebólu