Mistök að leyfa Grikkjum að taka upp evruna

Það voru grundvallarmistök að leyfa Grikklandi skuldum hlöðnu að gerast aðili að evrusvæðinu. Þetta segir Helmut Kohn, fyrrverandi kanslari Þýskalands, meðal annars í nýrri bók sem ber enska heitið Out of Concern for Europe eða Vegna áhyggna af Evrópu. Þetta kemur fram í þýskum fjölmiðlum í dag.

Grikkir gerðust aðilar að evrusvæðinu árið 2001. Sú ákvörðun að samþykkja aðila þeirra á sínum tíma hefur einkum verið gagnrýnd eftir að miklir efnhagserfiðleikarnir hófu innreið sína á svæðinu en Grikkland hefur orðið hvað verst úti í þeim af ríkjum Evrópusambandsins. Kohl gagnrýnir ennfremur vestræna leiðtoga fyrir að einangra rússnesk stjórnvöld í Úkraínudeilunni sem hafi sett í uppnám áralanga vinnu við að bæta samskiptin við Rússland.

Kohl, sem var kanslari Vestur-Þýskalands á árunum 1982-1990 og sameinaðs Þýskalands 1990-1998, mun kynna bókina í dag við sérstaka athöfn í Frankfurt ásamt nýjum forseta framkvæmdastjórnar Evrópusambandsins, Jean-Claude Juncker.

Frétt mbl.is: Vissu um bókhaldsbresti Grikkja

• 2 blogg um fréttina

Bloggað um fréttina

• G. Tómas Gunnarsson: Grikkir eurosins
• Heimssýn: Helmut Kohl sammála Heimssýn