Nýr formaður orkumálanefndar öldungadeildar Bandaríkjaþings, Lisa Murkowski, gerði eldgosið í Holuhrauni að umræðuefni í kosningaveislu á þriðjudagskvöldið. Svo virðist sem hún hafi misskilið hversu mikil mengunin frá gosinu er.

Murkowski er þingmaður Repúblikanaflokksins í Alaska og var meðal ræðumanna á Artic Circle ráðstefnunni hér á landi um síðustu helgi.

Repúblikanar fögnuðu sigri í Alaska á þriðjudagskvöldið og verður Murkowski formaður olíumálanefndarinnar. Í frétt á vef NPR kemur fram að það sé fagnaðarefni fyrir Alsaka sem hefur viljað fá auknar heimildir til olíuleitar í ríkinu.

Murkowski sagði í kosningaveislunni taka hlýnun loftlags alvarlega. Hún komi frá ríki þar sem hlýnunin fer ekki fram hjá neinum. Fréttamaður NPR veltir fyrir sér hversu djúpt þekking hennar á loftlagsmálum risti og nefnir það sem hún sagði um mengunina frá eldgosinu í Holuhrauni. Mengunin frá eldgosinu jafnist á við alla þá mengun sem komi frá bílum framleiddum í Evrópu á þúsund árum. 

„Hvað get ég sagt,“ segir Michael Oppenheimer, prófessor við Princeton háskóla í samtali við NPR vegna þessara ummæla en hann er einn helsti sérfræðingur Bandaríkjanna í loftlagsmálum. „Þetta er einfaldlega ósatt. Ég veit ekki hvaðan hún fær þessar upplýsingar.“

Frétt NPR í heild

Frétt Nature um mengunina

Tengdar fréttir

Bárðarbunga

Skjálftinn reyndist enn stærri en talið var

• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu
• Glóandi dreki og land í bláu skini

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Löngunin til að afvegaleiða umræðuna.
• Ómar Bjarki Kristjánsson: Íslenskir hægrimenn hafa sennilegast sagt manneskjunni þetta.