Fangaverðir sem gæta fjöldamorðingjans Anders Behring Breivik hafa fengið nóg af fanganum og þetta er meðal annars ástæðan fyrir því að hann var fluttur frá Ila-fangelsinu yfir í Skien-fangelsið.

Breivik, sem myrti 77 á Utøya og í miðborg Óslóar hinn 22. júlí 2011, er sá fangi í Noregi sem býr við ströngustu gæsluna, samkvæmt frétt VG. Meðal öryggisráðstafana er að hann er fluttur án fyrirvara milli fangelsa að minnsta kosti einu sinni á ári. Þannig sé hægt að koma í veg fyrir að tengsl myndist á milli fangans og fangavarða. Eins til þess að koma í veg fyrir að Breivik geti undirbúið flótta úr fangelsi.

Breivik var árið 2012 fluttur frá Ila-fangelsinu í Skien-fangelsið og síðan til baka aftur. Opinbera skýringin er sú að það sé í öryggisskyni en samkvæmt heimildum VG er skýringin ekki síst sú að fangaverðirnir voru orðnir fullsaddir og útkeyrðir af því að þurfa að vera í návígi við Breivik.

Hann hafi ekki sýnt minnsta vott um iðrun, nú þremur árum eftir morðin, og eins virðist hann gjörsneyddur tilfinningum. Hann reynir að stjórna fangavörðunum og eins fái Breivik gríðarlegt magn bréfa frá fólki sem er jafnöfgafullt í skoðunum og hann. Það sé fangavörðunum nánast ofviða að þurfa að lesa það sem stendur í bréfunum.

Frétt VG

Tengdar fréttir

Fjöldamorðið í Útey/Anders Behring Breivik

Biður um reynslulausn 13 árum eftir fjöldamorðið

• Breivik tapaði máli gegn ríkinu
• „Enn hættulegasti maður Noregs“
• Notar geðlyf til að komast í gegnum daginn
• Breivik reynir aftur að losna úr einangrun

» Fleiri tengdar fréttir

• 2 blogg um fréttina

Bloggað um fréttina

• Ásgrímur Hartmannsson: Hvaða skoðanir hefur svo kallinn?
• Ómar Ragnarsson: Hitler sá aldrei neitt athugavert við sig.