Rania drottning Jórdaníu biður um aukinn stuðning við árásir Bandaríkjanna og fleiri á vígamenn Ríkis íslams. Hún segir að framtíð Miðausturlanda og íslam sé í húfi.

„Þögn okkar er hin mesta gjöf sem hægt er að færa Ríki íslams,“ sagði drottningin á ráðstefnu í Abu Dhabi og benti á að skæruliðasamtökin hefðu nú þegar sölsað undir sig stór svæði í Írak og Sýrlandi. 

„Við erum meðsek í velgengni þeirra,“ sagði hún. Jórdanía styður árásir Bandaríkjanna og það gera einnig Bahrain, Katar, Sádí Arabía og Sameinuðu arabísku furstadæmin.

„Samvinnan verður að ná til fleiri, þetta er stríð um framtíð Miðausturlanda og íslams,“ sagði hún. „Þetta er stríð sem við verðum að vinna.“

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Ríki Íslams veit sínu viti.