Flóttamannahjálp Sameinuðu þjóðanna segir að frá 5. september sl., þegar samkomulag náðist um vopnahlé í Úkraínu, hafi 13 manns látist að meðaltali á degi hverjum.

Vopnahléssamkomulagið hefur staðið á algjörum brauðfótum en á undanförnum átta vikum hafa samtals 957 látið lífið í átökum í landinu.

Í skýrslu flóttamannahjálaparinnar kemur fram hvernig algjör lögleysa ríki í héruðunum Donetsk og Luhansk, sem eru undir stjórn uppreisnarmanna. Þetta kemur fram á vef BBC.

Jafnframt er vakin athygli á brotum sem stjórnarhersveitir eru sagðar bera ábyrgð á, en ásakanirnar eru sagðar byggðar á traustum grunni. 

Stríðsátök brutust út í austurhluta Úkraínu í apríl á þessu ári þegar ríkisstjórnin í Kænugarði hóf hernaðaraðgerðir til að ná aftur svæðum sem uppreisnarmenn, sem eru hliðhollir Rússum, höfðu náð á sitt vald. 

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

• 1 blogg um fréttina

Bloggað um fréttina

• Ármann Birgisson: Loksins minnst á stjórnarherinn.