Rúmlega tveir tugir vígamanna Ríkis íslams hafa þegið atvinnuleysisbætur frá danska ríkinu á sama tíma og þeir hafa verið staddir í Sýrlandi að berjast fyrir hryðjuverkasamtökin. Þetta upplýsti danska leyniþjónustan í dag samkvæmt frétt AFP.

Fram kemur í fréttinni að krafist hafi verið endurgreiðslu frá 15 af þeim 28 vígamönnum sem þegið hafi atvinnuleysisbætur á meðan þeir tóku þátt í stríðsátökum í Sýrlandi fyrir Ríki íslams. Enn væri verið að rannsaka mál átta manns og fallið hafi verið frá fimm málum vegna skorts á sönnunargögnum. Danska leyniþjónustan telur að rúmlega eitt hundrað danskir ríkisborgarar hafi yfirgefið Danmörku til þess að berjast í Sýrlandi.

Hins vegar teldi Naser Khader, fyrrverandi þingmaður, að talan sé mun hærri. tala leyniþjónustunnar miðaðist við stöðuna eins og hún hafi verið í júní í sumar. „Talan fer hækkandi í öðrum Evrópuríkjum þannig að hvers vegna ætti það ekki að vera raunin í Danmörku?“

Þýska leyniþjónustan telur að um 550 Þjóðverjar hafi gengið í lið með hryðjuverkahópum í Sýrlandi og Írak samkvæmt fréttinni og um 500 Bretar hafa gert slíkt hið sama að mati breskra ráðamanna.

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 1 blogg um fréttina

Bloggað um fréttina

• Ásgrímur Hartmannsson: Svo þetta er uppistaðan í liðinu