Borgi aröbum fyrir að fara frá Ísrael
Setja bókamerki
Avigdor Liebermann, utanríkisráðherra Ísraels, segir að mögulega ættu Ísraelar að bjóða Palestínumönnum „efnahagslega hvata“ til að yfirgefa landið og flytja sig í palestínskt ríki framtíðarinnar.
Að dómi Leibermans ættu þeir Ísraelsmenn af arabískum ættum sem líta á sig sem Palestínumenn að afsala sér ísraelskum ríkisborgararétti og gerast borgarar nýs palestínsks ríkis í framtíðinni.
„Ísraelsríki ætti jafnvel að hvetja þá til að gera það með kerfi efnahagslegra hvata,“ segir Lieberman í stefnuskrá Beitenu-flokks síns.
Utanríkisráðherrann hefur ítrekað sagt í gegnum tíðina að friðarumleitanir þurfi að fela í sér fólksflutninga til að tryggja að sem mestur aðskilnaður sé á milli gyðinga og araba í Ísrael. Araba eru um fimmtungur ísraelskra ríkisborgara, alls um 1,7 milljónir manna. Það eru Palestínumenn sem urðu eftir í Ísrael eftir að ríkið var stofnað árið 1948 og afkomendur þeirra.
Ríkisstjórn Benjamíns Netanyahu, forsætisráðherra, lagði á sunnudag fram tillögur um að fest verði í lög að Ísrael sé ríki gyðinga. Gagnrýnendur tillögunnar segja hana grafa undan lýðræði í landinu og að hún leitt til kerfisbundinnar mismununar gagnavart aröbum í Ísrael.
Kristrún, Þorgerður og Inga funda kl. 15
Halla og Kristrún funda á Bessastöðum í dag
Fundar með Þorgerði og Ingu eftir hádegi
„Við bara reynum að þrýsta þessu fram“
Fundurinn hófst með söng: „Við stöndum þétt saman“
„Það vantar bara brjóstin og gleraugun á Loga“
Gosmengun berst til norðurs og norðvesturs
