Íran hefur gert loftárásir á búðir Ríki íslams í austurhluta Íraks undanfarna daga, samkvæmt upplýsingum BBC innan úr varnarmálaráðuneyti Bandaríkjanna. Ekki er um samstarf Bandaríkjanna og Írans að ræða en bandaríski herinn gert hundruð loftárása á búðir Ríki íslams frá því í ágúst.

BBC hefur einnig fengið staðfest frá íranska hernum að hann sé ekki í hernaðarsamstarfi með Bandaríkjamönnum.

Bandarísk yfirvöld hafa sagt að það væri óviðeigandi ef Íran tæki þátt í samstarfi gegn Ríki íslams þrátt fyrir að þjóðirnar eigi sameiginlegan óvin í Ríki íslam. Allt frá íslömsku uppreisninni í Íran árið1979 hefur samband ríkjanna verið afar stirt.

Talsmaður varnarmálaráðuneytisins, John Kirby, staðfestir að orrustuflugvélar íranska hersins af F-4 gerð hafi gert loftárásir á Írak undanfarna daga en fyrir nokkrum dögum birti Al-Jazeera myndir sem sýndi F-4 vélar, svipaðar þeim sem íranski herinn á, gera árás á skotmörk í Diyala hérað í austurhluta Íraks.

Landher Írans hefur einnig veitt her Íraks og skæruliða sjíta í baráttunni við Ríki íslam. Þetta er hins vegar í fyrsta skipti sem bandaríski herinn staðfestir að Íranir hafi gert loftárásir á Írak.

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Sögulegt afrek