Fangaskipti hafa átt sér stað við borgina Donetsk í Úkraínu, en hún er í haldi uppreisnarmanna sem eru hliðhollir Rússum. Uppreisnarmenn hafa sleppt 150 hermönnum í staðinn fyrir 222 fanga sem voru í haldi úkraínskra yfirvalda.

Breska ríkisútvarpið greinir frá þessu. Þar segir að óstaðfestar ljósmyndir sem birtar hafi verið á Twitter sýni menn í borgaralegum klæðnaði standa á vegi við hlið hermanna sem gefi þeim fyrirmæli.

Friðarviðræður sem fóru fram í borginni Minsk í Hvíta-Rússlandi í vikunni luku án niðurstöðu. Alls hafa 4.700 fallið í stríðsátökunum í Úkraínu sem hófust sl. vor. 

Þrátt fyrir að það hafi dregið úr þeim þá er enn barist í landinu og hafa 1.300 fallið frá því tilkynnt var um vopnahlé í september sl. 

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Táknrænar ljósmyndir.