Tókst ekki að kjósa forseta

Gríska þinginu mistókst í þriðja sinn að kjósa forseta í dag en ekki tókst að tryggja frambjóðanda ríkisstjórnarinnar þau 180 atkvæði í þinginu sem nauðsynleg eru til þess að ná kjöri.

Fram kemur í frétt AFP að þetta þýði að boða þurfi til nýrra þingkosninga en samkvæmt stjórnarskrá Grikklands þurfi að leysa upp þingið og boða til nýrra kosninga innan tíu daga komi þessi staða upp. Óttast er að nýjar kosningar þýði að róttækir flokkar fái aukið fylgi.

Antonis Samaras, forsætisráðherra Grikklands, hefur tilkynnt að kosningarnar fari fram 25. janúar. Hann færi á fund forseta landsins á morgun og legði fram þá tillögu sína. Alexis Tsipras, leiðtogi róttæka vinstriflokksins Syriza, hefur lýst því yfir að kosningarnar muni snúast um andstöðu við frekari aðhaldsaðgerðir í grísku efnahagslífi.

• 4 blogg um fréttina

Bloggað um fréttina

• G. Tómas Gunnarsson: Stjórnmálamenn sem óttast ekkert nema kjósendur
• Páll Vilhjálmsson: Evran eyðileggur innviði þjóðríkja
• Heimssýn: Grikkland veldur aftur usla í ESB
• Vésteinn Valgarðsson: Juncker varar við "rangri kosninganiðurstöðu"