Barack Obama, forseti Bandaríkjanna, segir að Vladimír Pútín Rússlandsforseti hafi gert hernaðarleg mistök þegar hann innlimaði Krímskaga. Það hefði „ekki verið mjög gáfulegt“.

Obama sagði að þeir sem héldu að Pútín væri snillingur hefðu haft rangt fyrir sér, líkt og núverandi efnahagsástand í Rússlandi sýni fram á, að því er segir á vef BBC.

Hann sagði ennfremur að refsiaðgerðir alþjóðasamfélagsins hefðu lamað hagkerfi Rússlands, sem væri sérstaklega viðkvæmt fyrir sveiflum í olíuverði.

Þetta sagði Obama í samtali við National Public Radio (NPR) í Bandaríkjunum áður en hann fór í jólafrí til Havaí, en þar kom ennfremur fram að Obama neitaði að útiloka að Bandaríkin myndu opna sendiráð í Íran á næstunni.

Barack Obama, forseti Bandaríkjanna. AFP

Tengdar fréttir

Úkraína

Svíar virða ögranir Rússa að vettugi

• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur
• Segir að friði verði aðeins náð með afli

» Fleiri tengdar fréttir

• 1 blogg um fréttina

Bloggað um fréttina

• Ármann Birgisson: Obama hlægilegur.