Erlent | mbl | 30.12.2014 | 23:59 | Uppfært 31.12.2014 1:11

Erlendu fréttamyndir ársins 2014

Mynd 1 af 38 Stjórnarandstæðingar sækja fram í Kænugarði, höfuðborg Úkraínu. Myndin er tekin 20. febrúar þegar mótmæli í landinu stóðu sem hæst. AFP

Mynd 2 af 38 Bíll Caterham-Renault ökumannsins Kamui Kobayashi fór út af Formúlubrautinni í Melbourne í Ástralíu 16. mars. AFP

Mynd 3 af 38 Bastian Schweinsteiger og Lukas Podolski tóku sjálfu eftir úrslitaleik Þýskalands og Argentínu á HM í Brasilíu þann 13. júlí. Þjóðverjar urðu heimsmeistarar í fjórða sinn á mótinu. AFP

Mynd 4 af 38 Mótmæli í Kænugarði 22. janúar. AFP

Mynd 5 af 38 Mótmæli í Kænugarði 23. janúar. AFP

Mynd 6 af 38 Elding yfir styttunni af Frelsaranum við Rio de Janeiro. AFP

Mynd 7 af 38 Mótmælendur í Kænugarði kastar bensínsprengju að óeirðalögreglu í janúar. AFP

Mynd 8 af 38 Börn að leik í kringum mann sem er klæddur í búning Leðurblökumannsins í fátækrahverfi í Rio de Janeiro. Fólk sem býr steinsnar frá Maracana-leikvanginum neitaði að yfirgefa hús sín, sem átti að rífa til að rýma fyrir HM karla í knattspyrnu sem fór fram þar í borg í ár. AFP

Mynd 9 af 38 Luis Suarez beit Giorgio Chiellini í leik Úrúgvæ og Ítalíu á HM. AFP

Mynd 10 af 38 Bitið vakti mikla athygli. AFP

Mynd 11 af 38 Brasilíski framherjinn Neymar liggur meiddur á vellinum í leik Brasilíu og Kólumbíu. AFP

Mynd 12 af 38 6. júní voru 70 ár liðin frá því bandamenn lentu í Normandý í Frakklandi í stærstu landgönguárás sögunnar. Árásin markaði upphafið að endilokum þriðja ríkisins. AFP

Mynd 13 af 38 Rússnesku Soyuz TMA-13M geimfari er skotið út í geim frá Baikonur. Förinni er heitið til Alþjóðlegu geimstöðvarinnar (e. ISS) með geimfarana Alexander Gerst, Maxim Suraev og Gregory Wiseman. AFP

Mynd 14 af 38 Frans páfi við múrinn í Ísrael sem skilur að Ísrael og Palestínu. -

Mynd 15 af 38 Christiano Ronaldo fagnar marki eins og honum einum er lagið. AFP

Mynd 16 af 38 John Kerry, utanríkisráðherra Bandaríkjanna, sparkar í bolta meðan talar í síma og býður eftir að bensíni sé dælt á flugvélina hans. SAUL LOEB

Mynd 17 af 38 Kinnhestur fyrirgefningar. Móðir Abdolah Hosseinzadeh, sem var myrtur árið 2007, slær morðingjann Balal utan undir þegar átti að taka hann af lífi, rétt áður en hún leysir hann úr snörunni og þyrmir lífi hans. Balal var 19 ára þegar hann varð syni hennar að bana með hnífi. ARASH KHAMOOSHI

Mynd 18 af 38 Vilhjálmur og Katrín ásamt Georgi prins á leið þeirra frá flugvél þeirra á Nýja-Sjálandi. AFP

Mynd 19 af 38 Ung stúlka sem særðist í átökum við óeirðalögreglu í Istanbúl. Átökin spruttu upp þegar Berkin Elvan, 15 ára drengur, var borinn til grafar, en hann dó af sárum sínum eftir átök við óeirðalögreglu í fyrra. AFP

Mynd 20 af 38 Leitað að einkennum ebólu. Ebólufaraldur hefur farið eins og eldur um sinu í nokkrum löndum í Vestur-Afríku. AFP

Mynd 21 af 38 Úkraínsk stúlka grætur eftir að hafa flúið heimili sitt í bænum Hrabove, sem er 80 kílómetrum austan við Donetsk í Úkraínu. AFP

Mynd 22 af 38 Ísraelskir hermann fagna því að vera komnir af yfirráðasvæði Hamas þegar átök fyrir botni Miðjarðarhafs stóðu sem hæst í byrjun ágúst á árinu. AFP

Mynd 23 af 38 Mikill reykur stígur til himins eftir árás Ísraelshers á Gaza-borg í júlí. Mikið mannfall var í röðum Palestínumann í átökunum. AFP

Mynd 24 af 38 Úkraínskir björgunarsveitamenn leita að líkum í námunda við brakið af MH17, sem talið er að hafi verið skotin niður yfir Úkraínu um miðjan júlí. Flugvélin var í eigu Malaysian Airlines. AFP

Mynd 25 af 38 Þjóðverjar fagna sínum fjórða heimsmeistaratitli í Brasilíu í júlí. AFP

Mynd 26 af 38 Afgönsk kosningaeftirlitskona bíður átekta við kjörkassa í Kabúl. AFP

Mynd 27 af 38 Íbúar Hong Kong kröfðust lýðræðisumbóta. Lögregla skaut táragasi að mótmælendum, en mótmælin stóðu frá 26. september til 15. desember. AFP

Mynd 28 af 38 Mótmælendur í Hong Kong halda á lofti símum sínum til að sýna samstöðu fyrir utan hús löggjafarsamkundu Hong Kong. AFP

Mynd 29 af 38 George Clooney og Amal Alamuddin gengu í það heilaga 29. september. AFP

Mynd 30 af 38 Kvenkyns kúrdískur hermaður stendir vaktina í bænum Dibis, 50 kílómetrum frá borginni Kirkuk. Alþjóðasemfélagið hefur heitið stuðningi sínum í baráttu Kúrda og Íraka gegn Ríki íslams. AFP

Mynd 31 af 38 Kristnir Írakar, sem flúðu ofbeldi í borginni Mosul, skreyta kross með ljósum. AFP

Mynd 32 af 38 Séð í gegnum sjómauka á riffli kúrdískrar leyniskyttu á víglínunni í Gwer-héraði. AFP

Mynd 33 af 38 Kúrdískir hermenn skjóta á vígamenn Ríkis íslams á toppo Zardak-fjalls. Hermann Kúrda nutu aðstoðar herja Vesturlanda, sem lögðu margir til orrustuþotur til að varpa sprengjum á vígamenn Ríkis íslams. AFP

Mynd 34 af 38 Katalónar hafa lengi krafist sjálfstæðis frá Spáni. Þessi mynd var tekin á Diada, þjóðhátíðardegi Katalóna. Spánarstjórn hefur ekki í hyggju að leyfa Katalónum að kjósa um sjálfstæði frá landinu. AFP