Nýtt myndskeið þar sem morðingjar starfsmanna Charlie Hedbo ganga um götur Parísar eftir árásina hefur litið dagsins ljós.

Á myndskeiðinu má sjá mennina tvo með andlitsgrímur fara rólega af flóttabílnum eftir að hafa myrt starfsmenn blaðsins. Hér má sjá myndskeiðið á vef Sky-fréttastofunnar.

Þeir hlaða vopn sín og annar kallar: „Við höfum hefnt spámannsins Múhameðs, við höfum drepið Charlie Hebdo.“

Svo má sjá mennina skjóta á lögreglubíl er þeir leggja á flótta.

Bræðurnir Said og Cherif Kouachi skutu tólf til bana síðasta miðvikudag er þeir gerðu árás á skopblaðið Charlie Hebdo. Meðal þeirra sem féllu voru tveir lögreglumenn sem gættu öryggis starfsmanna Charlie Hebdo eftir ítrekaðar hótanir sem blaðið hafði fengið. Annar lögreglumaðurinn var skotinn á mjög stuttu færi.

Bræðurnir voru felldir af lögreglu á föstudag.

Frétt Sky.

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Samsæriskenningar ...