Vill samkomulag fyrir lok maí
Setja bókamerki
Fjármálaráðherra Grikklands, Yanis Varoufakis, vill að samkomulag á milli grískra stjórnvalda og alþjóðlegra lánveitenda landsins liggi fyrir í lok maí. Fram að þeim tíma myndi Grikkland ekki óska eftir frekari lánafyrirgreiðslum. Þetta sagði ráðherrann við fréttamenn í París.
Varoufakis vinnur að því þessa dagana að afla stuðnings innan Evrópusambandsins við kröfur Grikkja um að stór hluti skulda þeirra verði afskrifaður. Þýskir ráðamenn hafa þegar hafnað því. Ráðherrann hyggst á næstunni ferðast meðal annars til Berlínar og Frankfurt í Þýskalandi en höfuðstöðvar Evrópska seðlabankans er að finna í síðarnefndu borginni.
„Það er mikilvægt að við hittumst,“ er haft eftir Varoufakis í frétt AFP varðandi mögulegan fund með Wolfgang Schäuble, fjármálaráðherra Þýskalands. Fram kemur að þýska fjármálaráðuneytið hafi hins vegar ekki formlega fengið ósk um slíkan fund frá grískum stjórnvöldum.
Flestir sem hvergi finnast koma frá Sómalíu
Hulda saksóknari: „Tökum þetta ekki til greina“
Varnargarðar hækkaðir um 3 til 4 metra
Gasmengun gæti borist yfir höfuðborgarsvæðið
Reiðubúin að aflýsa verkföllum í fjórum leikskólum
Vika í kosningar: Þetta segja kannanir
Ása Ellerup flutt út og ætlar að selja húsið
„Höfum sloppið bærilega með skaða af þessu gosi“