BBC hefur nafngreint manninn sem kallaður hefur verið Jihadi John og komið hefur fram í myndböndum sem sýna afhöfðanir vestrænna gísla í haldi Ríkis íslam. Samkvæmt BBC heitir hann Mohammed Emwazi og er, eða var, Lundúnabúi.

Að sögn BBC var Emwazi á radar bresku leyniþjónustunnar en hún kaus að halda nafni hans leyndu þar til nú vegna yfirstandandi aðgerða.

Emwazi birtist fyrst í myndbandi í ágúst sl. þar sem hann tók bandaríska blaðamanninn James Foley af lífi. Hann er einnig talinn hafa birst í myndböndum sem sýna afhöfðanir blaðamannsins Steven Sotloff, breska hjálparstarfsmannsins David Haines, breska leigubílstjórans Alan Henning og bandaríska hjálparstarfsmannsins Abdul-Rahman Kassig, sem gekk einnig undir nafninu Peter.

Í síðasta mánuði sást Emwazi á myndbandi með japönsku gíslunum Haruna Yukawa og Kenji Goto. Báðir voru teknir af lífi.

Emwazi er talinn vera samstarfsmaður bresks einstaklings sem ferðaðist til Sómalíu 2006 og ku hafa átt aðkomu að stuðnings- og fjármögnunarneti fyrir sómölsku hryðjuverkasamtökin al-Shabab.

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 2 blogg um fréttina

Bloggað um fréttina

• Wilhelm Emilsson: Jón Jihad
• Jens Guð: Dani fangelsaður fyrir að berjast gegn ISIS