Evrópusambandið ákvað í dag að veita stjórnvöldum í Úkraínu 1,8 milljarða evra lán. Er þetta hæsta lán sem sambandið hefur veitt ríki sem stendur fyrir utan það.

Skrifað var undir samkomulagið á fundi aðildarríkja Evrópusambandsins í Riga í Lettlandi fyrr í dag. Úkraínsk stjórnvöld verða að uppfylla ýmis skilyrði til að fá lánið, þar á meðal að grípa til umbótaaðgerða, svo sem að berjast gegn spillingu í landinu.

Efnahagur Úkraínu er í lamasessi eftir mikil og hörð átök í austurhluta landsins undanfarið ár.

Þá fékk Úkraínu jafnframt styrk að andvirði 200 milljóna evra frá Evrópusambandinu en fleiri ríki, til að mynda Armenía, Azerbaijan, Georgía og Moldavía, fengu samskonar styrk.

Tengdar fréttir

Úkraína

Svíar virða ögranir Rússa að vettugi

• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur
• Segir að friði verði aðeins náð með afli

» Fleiri tengdar fréttir

• 1 blogg um fréttina

Bloggað um fréttina

• Gústaf Adolf Skúlason: Finnland sendir 900 þúsund varaliðum bréf um hlutverk þeirra í …