Grikkir eru skrefi nær bankahruni eftir að upp úr slitnaði á fundi fjármálaráðherra evruríkjanna í kvöld. Innistæður upp á meira en tvo milljarða evra hafa verið teknar út úr grískum bönkum síðastliðna viku, þar af milljarður í gær. Angela Merkel, kanslari Þýskalands, Francois Hollande Frakklandsforseti og gríski forsætisráðherrann Alexis Tsipras hafa gert samkomulag um að halda neyðarfund innan Evrópusambandsins á mánudaginn, en búist er við að það verði lokatilraunin til að koma í veg fyrir gjaldþrot gríska ríkisins.

Christ­ine Lag­ar­de, fram­kvæmda­stjóri Alþjóðagjald­eyr­is­sjóðsins, sagði í morg­un að Grikk­ir fengju enga fresti. AFP

Fulltrúar evrópska seðlabankans hafa hins vegar viðrað efasemdir um hvort grískir bankar muni almennt hafa næga burði til að opna á mánudaginn. Þúsundir Evrópusinnaðra mótmælenda söfnuðust saman fyrir utan þinghúsið í Aþenu í kvöld og mótmæltu stefnu vinstristjórnarinnar í landinu sem þeir saka um að ljúga að landsmönnum og skilja þjóðina eftir í rjúkandi rúst.

Christ­ine Lag­ar­de, fram­kvæmda­stjóri Alþjóðagjald­eyr­is­sjóðsins, sagði í morg­un að Grikk­ir myndu ekki fá neinn frest til að greiða af­borg­un af 1,6 millj­arða evra láni frá sjóðnum. Grísk stjórn­völd verða að greiða af lán­inu fyr­ir 30. júní næst­kom­andi.

Frétt The Guardian

Tengdar fréttir

Grikkland

Ferðamönnum boðið frítt til Grikklands

• Grikkir ganga til kosninga
• Sprengjutilræði í Aþenu
• Efnahagsaðstoð við Grikki lokið
• Ekkert samkomulag um afskriftir

» Fleiri tengdar fréttir

• 1 blogg um fréttina

Bloggað um fréttina

• Kristbjörn Árnason: Kröfuhafar halda Grikkjum í gíslingu