Eyðileggja íslömsk grafhýsi
Setja bókamerki
Hryðjuverkasamtökin Ríki íslams hafa eyðilagt tvö forn íslömsk grafhýsi við borgina Palmyra í Sýrlandi. Samtökin náðu borginni á sitt vald fyrir mánuði síðan en hún er á heimsminjaskrá Sameinuðu þjóðanna.
Þetta er haft eftir Maamoun Abdulkarim, yfirmanni fornminjamála í landinu, í frétt AFP. Hann segir að samtökin hafi fyrir þremur dögum síðan sprengt í loft upp grafhýsi Mohammed bin Ali, sem var afkomandi frænda Múhameðs spámanns múslima, og íslamska trúarleiðtogans Nizar Abu Bahaaeddine.
Ríki íslams hefur til þess að eyðilagt í það minnsta 50 grafhýsi sem voru á bilinu 100-200 ára gömul á svæðinu að sögn Abdulkarims. „Þeir telja þessi grafhýsi ganga gegn trú þeirra og banna allar heimsóknir á þessa staði.“ Vígamenn hryðjuverkasamtakanna telji að grafir eigi ekki að vera sjáanlegar.
Munu áfrýja beint til Hæstaréttar
„Skjálftaklessa á milli Grímseyjar og Öxarfjarðar“
Slasað barn fær ekki styrk vegna leigu á hjólastól
Önnur aurskriða við Eyrarhlíð
Nokkrar skriður féllu á Vestfjörðum
Glíma enn við eftirköst E.coli-smits í Efstadal
Traust til kvenleiðtoga fer minnkandi
