Fundu áratugagamalt frosið kjöt

Hald hefur verið lagt á frosið kjöt í Kína að verðmæti hálfs milljarðar dollara sem smyglað hefur verið til landsins. Hluti þess var byrjaður að rotna og var yfir 40 ára gamalt.

Fram kemur í frétt AFP um sé að ræða rúmlega 100 þúsund tonn af kjúklingavængjum, nautakjöti og svínakjöti. Hald var lagt á kjötið í viðamiklum aðgerðum kínversku lögreglunnar víða um Kína. Haft er eftir ónafngreindum embættismanni að hann hafi næstum kastað upp þegar dyrnar voru opnaðar á húsnæði þar sem um 800 tonn af kjöti voru geymd.

Fjöldi manns hefur verið handtekinn vegna málsins en fólkið tengist glæpahópum sem sérhæft hafa sig í að smygla kjöti til Kína. Ekki hefur komið fram hvaðan kjötinu hafi verið smyglað en talið er að það hafi komið yfir landamæri landsins að Víetnam.

• 1 blogg um fréttina

Bloggað um fréttina

• Jens Guð: Varasöm matvæli