Þýska utanríkisráðuneytið hefur mælt með því að Þjóðverjar sem hyggi á ferðalög til Grikklands taki með sér nógu mikið reiðufé til landsins. Langar biðraðir hafa verið við gríska hraðbanka um helgina.

Hafa óþreyjufullir Grikkir beðið í von um að ná út eins miklum peningum og hægt er áður en hraðbankarnir tæmast. Grískir innstæðueigendur hafa tekið út tugi milljarða evra úr bönkum landsins á undanförnum mánuðum.

Óvíst er hvort bankar landsins verða opnir á morgun, mánudag. Er jafnframt óttast að sett verði á gjaldeyrishöft í landinu, sem þýðir að ákveðið hámark verður sett á þær upphæðir sem hægt er að taka út úr bönkum landsins.

Grikkland er vinsæll áfangastaður á meðal þýskra ferðamanna. Í tilkynningu frá þýska utanríkisráðuneytinu voru ferðamenn í Grikklandi hvattir til að fylgjast afar vel með stöðu mála þar í landi.

Tengdar fréttir

Grikkland

Ferðamönnum boðið frítt til Grikklands

• Grikkir ganga til kosninga
• Sprengjutilræði í Aþenu
• Efnahagsaðstoð við Grikki lokið
• Ekkert samkomulag um afskriftir

» Fleiri tengdar fréttir

• 1 blogg um fréttina

Bloggað um fréttina

• Kolbrún Hilmars: Nógu mikið reiðufé