Vill losna við grísku stjórnina
Setja bókamerki
Forsætisráðherra Spánar, Mariano Rajoy, hvatti gríska kjósendur til þess í dag að samþykkja skilyrði alþjóðlegra lánadrottna Grikklands fyrir frekari lánveitingum í fyrirhuguðu þjóðaratkvæði á sunnudaginn. Það yrði að hans sögn til þess að ríkisstjórn landsins segði af sér sem aftur þýddi að auðveldara yrði að semja við nýja stjórn.
Fram kemur í frétt AFP að Rajoy hafi þar með orðið fyrstur forystumanna ríkja innan Evrópusambandsins til þess að kalla eftir því að gríska ríkisstjórnin undir forystu róttæka vinstriflokksins Syriza færi frá völdum. Hann bætti við að ef skilyrðunum yrði hafnað þýddi það að Grikkland hefði engan annan kost en að segja skilið við evruna.
Rifjað er upp í fréttinni að hægristjórn Rajoys standi sjálf frammi fyrir vaxandi stuðningi við róttæka vinstriflokkinn Podemos sem er bandamaður Syriza í Grikklandi. Þá er yfirvofandi greiðsluþrot Grikklands þegar farið að hafa neikvæð áhrif á spænskt efnahagslíf.
Heimildarmenn tala um hápólitískt drama
Auka aðgengi að Grindavík
Hvatti kjósendur til þess að greiða ógild atkvæði
Létu lofthræðsluna ekki á sig fá
Vinna hefst í dag við að reisa undirstöður
Ekki hægt að slá gosið út af borðinu strax
Sendi nektarmyndir af dreng sem hann passaði