Hjartnæm ljósmynd af hundi sem kúrir sig í holu sem hann gróf við legstein látins eiganda síns, að því er talið er, hefur vakið mikil viðbrögð á netinu. Margir hafa deilt myndinni á Facebook og allir virðast hafa skoðun á henni - flestum þykir hundurinn sýna einstakt trygglyndi. Ekki er staðfest hvar eða hvenær myndin er tekin.

Í frétt um málið á vefnum The Dodo, þar sem finna má samansafn margvíslegra frétta af dýrum, segir að þetta sé ekki í fyrsta sinn sem hundur sýni svona hegðun. Árið 2013 dreifðu margir myndbandi af hundi sem virtist bókstaflega gráta við gröf eiganda síns. Þá sköpuðust einnig umræður um málið, t.d. hvort að hundar geti yfir höfuð sýnt sorg með þessum hætti. 

Lengi hefur verið deilt um hvort hundar og dýr hafi samvisku og geti sýnt tilfinningar. Í frétt The Dodo segir að það hafi loks fengist staðfest í rannsókn sem birt var árið 2012 og gerð af taugasérfræðingum. 

Tengdar fréttir

Krúttleg dýr

Reyndist ekki vera yfirgefinn heimilisköttur

• Ofursjaldgæfir fjórburar fæddust á laun
• Ólíklegir vinir bræða hjörtu
• Heimskautarefur fannst langt frá heimkynnum sínum
• Hringdi í lögreglu vegna hundrað óboðinna gesta

» Fleiri tengdar fréttir

• 1 blogg um fréttina

Bloggað um fréttina

• Mofi: Sakna dýrin okkar?