Staðráðinn í að ná samkomulagi
Setja bókamerki
Alexis Tsipras, forsætisráðherra Grikklands, er staðráðinn í því að ganga frá samkomulagi við lánardrottna sem samþykkt var á þinginu í gærkvöldi þrátt fyrir að yfir 30 þingmenn hafi greitt atkvæði gegn honum. Þetta segir talsmaður ráðherrans.
Alls greiddu 229 þingmenn atkvæði með tillögunni en 64 gegn henni. Sex þingmenn sátu hjá. Á gríska þinginu eru 300 þingmenn og er ríkisstjórnin með 162 og þar með meirihluta. Hins vegar er stjórnarflokkurinn Syriza klofinn í afstöðu sinni, meðal annars hefur aðstoðarfjármálaráðherra flokksins fyrr í dag sagt af sér embættinu þar sem hún sagðist ekki geta stutt samkomulagið.
Alls greiddu 32 þingmenn Syriza atkvæði gegn tillögunni og þar með gegn flokksforystunni. Eru það mun fleiri en Alexis Tsipras forsætisráðherra og formaður Syriza gerði ráð fyrir. Niðurstaða atkvæðagreiðslunnar þýðir að ríkisstjórnin hefur misst meirihluta, en gert er þó ráð fyrir því að hún haldi stöðu sinni.
Fjármálaráðherra evruríkjanna hafa boðað símafund í dag klukkan 8 þar sem niðurstaðan verður rædd.
Sjá einnig: Gríska þingið samþykkti tillöguna
Þrátt fyrir að tillagan hafi verið samþykkt er niðurstaðan sögð talsvert áfall fyrir Tsipras sem þurfti að horfa á ansi marga þingmenn flokksins kjósa gegn forystunni. Hann hefur þó áður gefið það út að þeir sem kjósi gegn tillögunni myndu áfram verða þingmenn Syriza, og hafa margir þingmannanna sjálfir sagt að þeir vilji áfram starfa fyrir flokkinn.
Nú rétt í þessu voru að berast fregnir frá fjölmiðlum í Grikklandi þar sem fullyrt er að Tsipras muni áfram gegna stöðu forsætisráðherra landsins. Hann muni sækja stuðning til stjórnarandstöðuflokkanna þegar hann þarf á því að halda og miðað við hvernig atkvæðin féllu í dag þá þarf hann svo sannarlega á þeim að halda til að koma í gegn þeim lagabreytingum sem tillögurnar fela í sér. Er einnig gefið í skyn að hann muni gera breytingar á ríkisstjórninni fljótlega.
Tsipras sagði í viðtali í vikunni að flokkurinn þurfi á 121 þingmanni til þess að geta haldið áfram í ríkisstjórn. Fjöldi þingmanna flokksins sem kaus með tillögunni í dag var 124 og er því ljóst að hans bíður mikið verk að byggja upp samstöðu innan flokksins.
Fyrir önnur evruríki þýðir þessi niðurstaða að önnur þjóðþing þurfa nú að kjósa um hvort samþykkja eigi að veita Grikkjum neyðarlánið sem fellst í tillögunum upp á alls 86 milljarða evra.
Bankar í Grikklandi hafa verið lokaðir frá 29. júní.
Maskína: Framsókn í fallbaráttu
„Erum í miðri hrinu“: Styttist í Eldvörp
Hótar Bretum og Bandaríkjamönnum
Yfir 300 stæði fóru undir hraun
Myndir: Grindavíkurvegur aftur undir hraun
Fullvissa ferðamenn um að hér sé öruggt
„Má segja að þetta gos hafi þjófstartað“
Drónamyndskeið frá hápunkti gossins í nótt