Íbúar í Papúa-héraði, austast í Indónesíu, segja að indónesíska farþegavélin, sem flugmálayfirvöld misstu samband við í morgun, hafi brotlent í fjallshlíð. 54 manns eru um borð í vélinni.

Samgönguráðherra Indónesíu segir að brak vélarinnar hafi fundist á Bintang hálendinu, rétt við japönsku borgina Oksibil, þar sem vélin átti að lenda.

Ekki er vitað hvort einhver farþeganna hafi lifað af.

Íbúarnir fundu brakið og sögðu að vélin hefði brotlent á fjalli í Okbape, sem er í um 24 kílómetra fjarlægð frá Oksibil.

Vél­in var á leið frá Sent­ani flug­vell­in­um í Jayapura, höfuðborg Papúa-héraðs, og til borgarinn­ar Oksi­bil. Flugið átti að taka 45 mínútur en vélin hafði verið í loftinu í tæpan hálftíma áður en samband við hana slitnaði.

54 manns eru um borð í vél­inni, þar á meðal fimm börn og fimm áhafn­ar­meðlim­ir.

ATR 42 flug­vél indónesíska flugfélagsins Trig­ana Air missti sam­band við flug­um­ferðar­stjórn rétt fyr­ir klukk­an þrjú að staðar­tíma í dag, klukk­an sex í morg­un að ís­lensk­um tíma.

Blásið var til umfangsmikillar leitar, en henni var síðan frestað vegna myrkurs. Um 150 björgunarmenn voru komnir á vettvang, að sögn Sky News. 

ATR-42 vélin var byggð í Frakklandi og Ítalíu, en hún er 27 ára gömul.

Flugvélar félagsins hafa lent í fjórtán alvarlegum slysum síðan það hóf starfsemi 1991. Tíu vélanna hafa eyðilagst. 

Trig­ana Air er eitt fjögurra indó­nes­ískra flug­fé­laga sem er meinað að starfa inn­an Evrópusam­bands­ins af ör­ygg­is­ástæðum.

Frétt mbl.is: Flugvél með 54 manns horfin

Tengdar fréttir

Farþegavél Trig­ana Air hrapar í Papúa

Fundu lík allra um borð

• Hafa fundið brakið
• Miklir peningar um borð
• „Ekki fyrir hjartveika að fljúga þarna“
• Flugvél með 54 manns horfin

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hrapaði flugvélin?