Flugmaðurinn alvarlega slasaður

Flugmaðurinn sem flaug herþotunni af gerðinni Hawker Hunter sem hrapaði á hraðbraut þegar hún var að leika listir sínar á flugsýningu í Sussex í gær lifði slysið af. Hann liggur nú alvarlega slasaður á spítala og er talinn vera í lífshættu. Hann var fluttur á Royal Sussex spítalann með þyrlu í gær. BBC greinir frá þessu. 

Nafn flugmannsins hefur einnig verið gert opinbert. Hann heitir Andy Hill og er fyrrum flugmaður í breska flughernum. Er hann sagður vera afar reyndur flugmaður. 

Sjá frétt mbl.is: Hrapaði í miðri flugsýningu

Sjö manns létust í slysinu að minnsta kosti. Í dag heldur leitin að fleiri fórnarlömbum áfram á svæðinu. 

Eins og sást á myndbandi af slysinu í gær var flugmaðurinn að fljúga í bakfallslykkju þegar slysið varð. Sjónarvottur sagði við fjölmiðla í gær að hann hefði ekki tekið eftir því að flugmaðurinn hafi náð að skjóta sér út úr vélinni í fallhlíf.

Sjá frétt mbl.is: Óttast að fleiri hafi látist

Hér má sjá myndband af slysinu. Mbl.is vill benda fólki á að myndbandið getur vakið óhug. 

• 1 blogg um fréttina

Bloggað um fréttina

• Ómar Ragnarsson: Vantaði nóga hæð frá jörðu.