Bretland mun taka við 20.000 sýrlenskum flóttamönnum á næstu fimm árum. Þetta kom fram í máli David Cameron, forsætisráðherra landsins í dag.

„Við leggjum til að Bretland taki á móti 20.000 flóttamönnum á kjörtímabilinu,“ sagði forsætisráðherrann þegar hann ávarpaði breska þingið.

„Með því höldum við uppi þeirri mynd sem fólk hefur af landinu að Bretland sé land umhyggju og standi með þeim sem þurfa á aðstoð að halda,“ sagði hann.

Bretland mun taka á móti flóttamönnum í flóttamannabúðum í Jórdaníu, Líbanon og Tyrklandi. „Þetta tryggir beinni og öruggari leið flóttamanna til Bretlands, frekar en að þeir hætti á ferðalag gegnum Evrópu,“ sagði Cameron. Sérstaklega viðkvæmt flóttafólk eins og munaðarlaus börn, fá sérstakan forgang.

Tengdar fréttir

Á flótta

Veitingastaður við flóttamannabúðir vekur athygli

• Tólf farendur hurfu í Ermarsundið
• Kemur ekki til greina að semja við ESB
• Telur smyglara ekkert betri en hryðjuverkamenn
• Ástralska ríkið samdi við vafasöm fyrirtæki

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Bretar bjóða heim múslímum, drepa sína eigin í útlöndum