Fyrrverandi gjaldkeri Verkamannaflokksins, flokks Dilmu Rousseff, forseta, var dæmdur í fimmtán ára fangelsi vegna aðildar sinnar að viðamiklu spillingarmáli sem tengist ríkisolíufyrirtækinu Petrobras. Hann var sakaður um að taka við mútum frá verktökum og veita fénu til flokksmanna.

João Vaccari var fundinn sekur um spillingu, peningaþvætti og samsæri. Hann hlaut fimmtán ára og fjögurra mánaða fangelsisdóm. Dómurinn komst að þeirri niðurstöðu að sannað væri að verktakar Petrobras hafi mútað nokkrum stjórnendum olíurisans í skiptum fyrir bitastæðari samninga.

Sumar þessara greiðslna eru sagðar hafa runnið til háttsettra stjórnmálamanna, í flestum tilfellum flokksmanna Verkamannaflokksins. Petrobras hefur áætlað að fyrirtækið hafi tapað tveimur milljörðum dollara á þessum svikum.

Tengdar fréttir

Spilling í Brasilíu

Póstburðarmenn fara brátt í verkfall

• „Ég hef aldrei framið glæp“
• Þurfa að endurvinna traust
• Rousseff vikið úr embætti
• Spilling á spillingu ofan

» Fleiri tengdar fréttir

• 1 blogg um fréttina

Bloggað um fréttina

• Geir Magnússon: En hvar?