Stjórnvöld í Rússlandi hafa samþykkt að hefja aftur gasflutninga til Úkraínu í vetur, samkvæmt samkomulagi við Evrópusambandið sem gengið var frá í kvöld. Viðræður um málið hafa staðið yfir mánuðum saman, en ástandið í Úkraínu hefur sett strik í reikninginn.

Maros Sefcovic, framkvæmdastjóri orkumála hjá ESB, sagði í dag að samkomulagið væru mikilvægt skref í átt að því að tryggja Úkraínu gasbirgðir frá október og fram í mars. Hann sagði að gengið hefði verið frá öllum tæknilegum atriðum, en enn væri eftir að staðfesta og skrifa undir endanlegt plagg.

Samkomulagið varðar einnig sölu á gasi til Evrópu en þriðjungur alls gass sem aðildarríki Evrópusambandsins nota, kemur frá Rússlandi. Helmingur þess fer um Úkraínu.

Rússar og Úkraínumenn hafa áður deilt um gasviðskipti og árin 2006 og 2009 lokuðu fyrrnefndu fyrir gasflutning til Úkraínu yfir vetrartímann, sem leiddi til skorts og dómínóáhrifa í löndunum í kring.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Gunnar Bragi Sveinsson ítrekaði stuðning við þving­un­araðgerðir