Til átaka kom á milli Palestínumanna og ísraelsku lögreglunnar í Jerúsalem í morgun. Í gær réðst lögregla inn í Al-Aqsa moskuna á Musterishæðinni sem hefur öldum saman verið bitbein gyðinga og múslíma.

Í gærkvöldi hófst Sukkot árviss hátíð gyðinga. Á hátíðinni er fjörutíu ára eyðimerkurgöngu gyðinga minnst með ýmsum hætti og má búast við aukinni umferð gyðinga á þessu svæði næstu daga.

Lögregla beitti táragasi á palestínsk ungmenni sem höfðu heitið því að verja moskuna. Ungmennin köstuðu grjóti í lögreglu og fóru síðan inn í skjól moskunnar. Að sögn lögreglu sváfu ungmennin í moskunni í nótt en þau höfðu meðal annars kastað bensínsprengjum að lögreglu í gærkvöldi. 

Þeir sem ætluðu sér að biðja í moskunni í morgun áður en þeir færu til vinnu urðu frá að hverfa þar sem öll hlið moskunnar voru lokuð af lögreglu. Eins var gestum, sem ekki eru múslímar en mega heimsækja moskuna milli 7:30 og 11 meinaður aðgangur.

AFP

Tengdar fréttir

Ísrael/Palestína

281 hjálparstarfsmaður drepinn á árinu

• Segjast hafa drepið fimm vígamenn
• Sakar dómstólinn um gyðingahatur
• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon

» Fleiri tengdar fréttir

• 1 blogg um fréttina

Bloggað um fréttina

• Ómar Bjarki Kristjánsson: Stone-throwers gegn ísraelska hernum á Vesturbakka.