Húsleit í höfuðstöðvum Volkswagen
Setja bókamerki
Fulltrúar saksóknarar í Þýskalandi hafa framkvæmt húsleit í höfuðstöðvum bílaframleiðanands Volkswagen í Wolfsburg í dag. Aðgerðin er liður í rannsókn yfirvalda á útblásturssvindli fyrirtækisins.
Talsmaður saksóknara segir að tilgangurinn hafi verið að leita að gögnum sem tengjast útblástursmælingaprófum dísilbíla. Þetta kemur fram á vef BBC.
Húsleitin var gerð skömmu áður en Micheal Horn, forstjóri VW í Bandaríkjunum, mætti fyrir bandaríska þingnefnd til að svara spurningum um hneykslið.
Greint var frá því í gær, að hann hefði viðurkennt í skriflegum vitnisburði að hann hefði vitað af svindlinu vorið 2014. Hann svarar nú spurningum þingefndarinnar, en hann hefur beðist afsökunar á málinu.
Þýskir saksóknarar hófu rannsókn í síðustu viku eftir að hafa fengið tugi kvartana frá almennum borgurum og eina kvörtun sem kom frá Volkswagen. Saksóknararnir segja að þeir reyni nú að komast að því hver beri ábyrgð á svindlinu og hvernig það hafi verið útfært og framkvæmt.
Unnið að hraunkælingu allan sólarhringinn
Rannsókn á menningarnæturmáli lokið
Dæla, kæla og verja mikilvæg mannvirki
Íslensk kona handtekin á Tenerife eftir líkamsárás
Auka aðgengi að Grindavík
Vinna hefst í dag við að reisa undirstöður
Falskur fyrirvari á auglýsingum Höllu
Vonir bundnar við morgundaginn