Framkvæmdastjóri Atlantshafsbandalagsins, Jens Stoltenberg, segir að aukinn kraftur í hernaðaríhlutun Rússa í Sýrlandi valdi vandræðum. Hann segir að bandalagið muni leggja mat á það hvaða áhrif þetta hefur haft á öryggi bandalagsríkjanna.

Þetta kom fram í máli Stoltenbergs á fundi varnarmálaráðherra NATO ríkjanna í Brussel þar sem rætt er um aukin hernaðarafskipti Rússa í Sýrlandi.  Fundur NATO er haldinn í kjölfar kvörtunar Tyrkja yfir því að rússneskar orrustuþotur hafi brotið lofthelgi landsins. Rússar hafa skotið eldflaugum úr herskipi á Kaspíahafi auk þess að hafa gert loftárásir í Sýrlandi á bækistöðvar Ríkis íslams. 

Rússar neita ásökunum vesturveldanna um að loftárásirnar hafi einkum hæft stjórnarandstæðinga í Sýrlandi en Rússar hófu loftárásir í Sýrlandi að beiðni forseta landsins, Bashar al-Assad.

Framkvæmdastjóri NATO Jens Stoltenberg á fundi varnarmálaráðherra bandalagsins í Brussel í dag. AFP

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Nató í stríðsleik við Rússa
• Ómar Ragnarsson: Minnir á Balkanskagann fyrir rúmri öld.