Tyrknesk yfirvöld hafa nú hafið ritskoðun á fréttum um sprengjuárásirnar sem urðu í Ankara í gær. Þar að auki hafa Tyrkir átt erfitt með að nota samfélagsmiðla eins og Twitter og Facebook og er talið að stjórnvöld tengist því en þau hafa áður lokað á samfélagsmiðla.
Talsmaður ríkisstjórnarinnar sagði í tilkynningu að ritskoðun stjórnvalda nái til ljósmynda frá vettvangi árásanna sem „skapa óttatilfinningu.“
Hann varaði fjölmiðla við því að það gæti verið „lokað á þá alveg“ myndu þeir ekki hlýða skipunum stjórnvalda.
Tyrkir hafa greint frá því á samfélagsmiðlum að viðskiptavinir fjarskiptafyrirtækjanna Turkcell og TTNET hafi ekki getað notað Twitter en fyrirtækin eru stærstu fjarskiptafyrirtæki Tyrklands.
Sumir sögðust einnig hafa átt erfitt með að nota Facebook í kjölfar árásanna.
Tyrknesk stjórnvöld hafa lokað á samfélagsmiðla í auknu magni síðustu ár. Hefur það vakið mikla reiði og gagnrýni um allan heim.
Grein The Independent í heild sinni.