Írskar konur hafa gripið til þess ráðs að tísta smáatriðum um tíðahringi sína til forsætisráðherrans Enda Kenny, í herferð gegn strangri fóstureyðingalöggjöf landsins. Á Írlandi liggur allt að 14 ára fangelsi við ólögmætum fóstureyðingum.
Konurnar tísta undir myllumerkinu #repealthe8th, en markmið herferðarinnar er að þrýsta á um endurskoðun áttunda ákvæðis stjórnarskrárinnar, sem bannar fóstureyðingar á þeirri forsendu að líf fóstursins sé jafnhátt lífi móðurinnar.
Það var Grainne Maguire sem hratt herferðinni úr vör. „Konur Írlands! Píkan ykkar er þeirra mál! Tístið @EndaKennyTD tíðahring ykkar #repealthe8th“
Since we know how much the Irish state cares about our reproductive parts-I call my womb Ireland's littlest embassy ;-) #repealthe8th (1/3)
— Gráinne Maguire (@GrainneMaguire) November 2, 2015
Áætlað er að um tíu konur ferðist frá Írlandi til Bretlands eða annars Evrópuríkis á degi hverjum til að gangast undir fóstureyðingu. Til að breyta stjórnarskránni þarf að efna til þjóðaratkvæðagreiðslu, en þess er skemmst að minnast að Írar gengu til þjóðaratkvæðagreiðslu á dögunum og samþykktu hjónabönd samkynja einstaklinga.
Kenny hefur ekki svarað á Twitter en hann hefur sagt að hann muni ekki skuldbinda flokk sinn til að halda atkvæðagreiðslu um málið.
Írsku heilbrigðisstarfsfólki er aðeins heimilt að framkvæma fóstureyðingu ef líf móðurinnar er í hættu, en engin nákvæm skilgreining er til á því hvað telst lífshætta í þessu sambandi.
Hey @EndaKennyTD are you BLEEDIN listening to these tweets? We're waiting for a BLOODY response @GrainneMaguire #repealthe8th
— Jo Halpin (@sunniecoolbeans) November 5, 2015
There'll be shrieks of "undignified!" at tweeting @EndaKennyTD about periods. Know what's undignified? Lack of bodily autonomy #repealthe8th
— Tara Flynn (@TaraFlynn) November 4, 2015