Voveifleg spá fyrir árið 2030
Setja bókamerki
Hlýnun jarðarinnar gæti aukið tíðni sjúkdóma, tortímt ræktarlandi og valdið fátækt hjá 100 milljónum manna til viðbótar að fimmtán árum liðnum, sé ekkert gert til að hindra framgang hennar. Þetta kemur fram í skýrslu sem Alþjóðabankinn gaf út í dag.
Hlýnunin hefur þegar tafið fyrir vinnunni við að minnka fátækt að sögn bankans. Hinir fátækustu þjást nú þegar meira en aðrir vegna minnkandi regns og aukins veðurofsa sökum hlýnunarinnar.
Útgáfu skýrslunnar er ætlað að hringja viðvörunarbjöllum og kalla eftir skjótum og öruggum viðbrögðum á COP-21 loftslagsráðstefnunni sem fram fer í París í desember.
Sameinuðu þjóðirnar vöruðu á föstudag við því að þau markmið, sem 146 þjóðir hafa sett sér um samdrátt í losun gróðurhúsaloftegunda, séu alls ekki næg til að koma í veg fyrir hættulega hlýnun jarðar.
Segja vísindamenn á þeirra vegum að hlýnun umfram tvær gráður muni hafa í för með sér hörmulegar afleiðingar, s.s. fordæmalausa þurrka, ofurfellibyli og fjöldaflutninga. Eins og sakir standa stefnir í þriggja gráðu hlýnun eða meira árið 2100.
Vilja flytja út fisk gegnum Ísland
Biður fólk um að vera ekki á ferðinni
Biden ávarpar Bandaríkjamenn eftir sigur Trumps
Foreldrum sagt að heimanám væri verkfallsbrot
„Það var ekki dæmt löglegt að mismuna börnum“
Kröfugerðin skýr en upphæðin ekki
Evrópuumræðu laumað á dagskrá
Jón Ingi heimsmethafi í mynsturstökki