Fjórir stungnir í „staðfestri hryðjuverkaárás“

Einn er sagður alvarlega særður eftir að fjórir Ísraelsmenn voru stungnir í árás nærri knattspyrnuvelli í miðborg Kiryat Gat í dag. Talsmaður lögreglunnar segir að minnsta kosti eins árásarmanns sé leitað og að um „staðfesta hryðjuverkaárás“ hafi verið að ræða.

Árásin líkist hrinu árása Palestínumanna sem hafa átt sér stað frá því í byrjun október en það hafa aðallega verið stunguárásir. Þannig stakk palestínskur maður ísraelskan hermann og tók skotvopn hans í sömu borg 7. október áður en liðsmenn öryggissveita skutu hann.

Alls hafa 86 Palestínumenn, margir þeirra meintir árásarmenn, og fimmtán Ísraelar, einn Bandaríkjamaður og einn Erítreumaður látið lífið í ofbeldisöldunni.

• 2 blogg um fréttina

Bloggað um fréttina

• Tómas Ibsen Halldórsson: Er líf franskra ríkisborgara meira virði en Ísraelskra?
• Valdimar Samúelsson: Hryðjuverkaárásir hamas lærlinga. Þeir eru að útskrifast úr Hamas barnaskólum …