Tæplega 1.000 manns hefur verið meinað um komu til Frakklands síðan viðbúnaður var aukinn á landamærum ríkisins þann 13. nóvember í aðdraganda COP21 loftslagsráðstefnunnar, stuttu áður en hryðjuverkaárásirnar í París voru framkvæmdar.

Ástæður sem gefnar vegna þessa eru „hætta á að þetta fólk gæti komið í veg fyrir allsherjarreglu og öryggi í landinu okkar,“ að sögn Bernard Cazeneuve, innanríkisráðherra Frakklands.

Um 15.000 öryggisverðir, lögreglumenn og landamæraverðir sjá um gæslu á landamærum Frakklands, en tilgangur þessa auknu ráðstafana er að bæta öryggi fyrir loftslagsráðstefnuna sem hefst á mánudaginn. Þá hefur viðbúnaðarstigið einnig verið hátt undanfarið vegna yfirvofandi hættu á hryðjuverkaárás í kjölfar árásanna í París fyrir tveimur vikum.

Franska ríkisstjórnin hefur gefið út að aukið viðbúnaðarstig verði til staðar eins lengi og nauðsyn þyki til, en neyðarástandi var lýst yfir í landinu í kjölfar árásanna.

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• 1 blogg um fréttina

Bloggað um fréttina

• sleggjuhvellur: Aflýsa þessu