Bandaríkjamenn ætla að senda sérsveit til Íraks til að setja aukinn þrýsting á vígamenn Ríkis íslam. „Í fullu samstarfi við stjórnvöld í Írak ætlum við að senda sérsveit af stað til aðstoðar íröskum hermönnum og kúrdískum liðsmönnum peshmerga,“ sagði Ashton Carter, varnarmálaráðherra Bandaríkjanna.

Sérsveitin verður einnig til taks fyrir samhæfðar aðgerðir í Sýrlandi, að því er BBC greindi frá.

Ríki íslams náði stjórn á stórum svæðum í Írak og Sýrlandi sumarið 2014.

Bandalag 65 ríkja, sem Bandaríkjamenn leiða, hefur efnt til loftárása á vígamenn í báðum ríkjunum að undanförnu.

Að sögn Carter hefur sérsveitin það verkefni að ráðast inn í húsnæði, leysa gísla úr haldi og handsama leiðtoga Ríkis íslams.

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Veraldleg síðnýlenda í mið-austurlöndum