Líkur eru á að útblástur gróðurhúsalofttegunda standi í stað eða verði örlítið minni á þessu ári en verið hefur. Þetta kemur fram í nýrri rannsókn sem var birt í tímaritinu Nature Climate Change.

Ástæðan fyrir þessu er minni notkun kola í Kína, auk þess sem notkun endurnýjanlegra orkugjafa hefur gengið hraðar fyrir sig en reiknað var með, en frá þessu var greint á vefsíðu BBC. 

Þrátt fyrir þetta telja vísindamennirnir að þetta ástand vari aðeins tímabundið og að útblásturinn muni aukast aftur með þróun nýrra hagkerfa.

Samkvæmt rannsókninni, sem prófessorinn Corinne Le Quere frá háskólanum Austur-Anglia í Bretlandi stjórnaði, er talið að útblástur gróðurhúsalofttegunda frá jarðefnaeldsneyti og iðnaði lækki um 0,6 prósent  á árinu 2015, að því er kom fram á loftslagsráðstefnunni í París.

Útblásturinn jókst einmitt um sömu tölu árið 2014.

Í rannsókninni kemur fram að mestur útblástur gróðurhúsalofttegunda kemur sem fyrr frá Kína, eða 27 prósent af heildarútblæstri í heiminum.

Tengdar fréttir

Loftslagsráðstefna Sameinuðu þjóðanna í París 2015

17 tilskipanir Bidens

• Fótósjoppuðu mynd af leiðtoga Græningja
• Súrnun hefur áhrif á allt lífríki hafsins
• „Ekki fyrir mig, því ég verð dauður“
• Björt segir ákvörðun Trump vonbrigði

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Þetta er vel hægt.