Kanadískur prestur hefur verið dæmdur í lífstíðarfangelsi í Norður-Kóreu fyrir áróður og afskipti af málefnum ríkisins.

Hyeon Soo Lim, sem er fæddur í Suður-Kóreu en er prestur í Toronto í Kanada, var dæmdur fyrir hæstarétti Norður-Kóreu eftir stutt réttarhöld, samkvæmt frétt Xinhua, kínversku ríkisfréttastofunni.

Lim var fundinn sekur um að hafa tekið þátt í því með Bandaríkjunum og Suður-Kóreu að dreifa áróðri um mannréttindamál í Norður-Kóreu og að sverta ímynd landsins. Hann var einnig sakaður um að hafa fjármagnað og aðstoðað svikara sem vildu flýja frá Norður-Kóreu.

Samkvæmt upplýsingum frá dómstólnum játaði Lim alla ákæruliði og lýsti yfir mikilli iðrun fyrir brot sín. Lim var handtekinn af yfirvöldum í Norður-Kóreu í janúar eftir komuna til landsins frá Kína.

Samkvæmt upplýsingum frá kirkju hans í Toronto var Lim aðeins í mannúðarleiðangri í Norður-Kóreu og að hann hafi oft komið þangað til þess að starfa með munaðarlausum og sjúkum.

Tengdar fréttir

Norður-Kórea

Eldflaugavarnarkerfi í skiptum fyrir hermenn

• Rússar sagðir útvega N-Kóreu milljón olíutunnur
• Gagnrýnir Vesturlönd harðlega vegna Úkraínu
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump

» Fleiri tengdar fréttir

• 1 blogg um fréttina

Bloggað um fréttina

• Snorri Óskarsson: Píratarnir í Norðrinu!