Ítalinn Filippo Grandi, sem nýverið tók við stjórn flóttamannaaðstoðar Sameinuðu þjóðanna, segir Evrópu geta tekið við mun fleiri flóttamönnum frá Sýrlandi ef þjóðirnar vinna betur saman. Þetta kemur fram í viðtali BBC við Grandi.

„Hinsvegar skiljum við vandamálið. Þetta er félagslegt og pólitískt vandamál sem er mjög alvarlegt,“ bætir Grandi við.

Evrópusambandið vinnur nú að áætlun sem á að sjá til þess að kostnaðurinn og álagið af flóttamannastraumnum dreifist betur um sambandið. Er talið að sambandið muni afnema regluna um að flóttamenn verði að sækja um hæli í fyrsta viðkomulandinu.

Ungverjar hafa verið hörðustu gagnrýnendur nýju stefnunnar. Þeir segja stóran hluta vandamálsins vera af þýskum meiði þar sem flestir þeir flóttamenn sem koma til Evrópu vilja setjast að í Þýskalandi.

Grandi hefur einnig hvatt Evrópusambandið til þess að styðja betur við bakið á þeim þjóðum sem fyrst taka við flóttamönnunum. 

Manuel Valls, forsætisráðherra Frakka, tjáði sig einnig um flóttamannavandann við BBC í vikunni. „Ef Evrópa getur ekki varið eigin landamæri, þá gæti sjálf hugmyndin um Evrópu verið í hættu,“ sagði Valls ómyrkur í máli.

Tengdar fréttir

Á flótta

Veitingastaður við flóttamannabúðir vekur athygli

• Tólf farendur hurfu í Ermarsundið
• Kemur ekki til greina að semja við ESB
• Telur smyglara ekkert betri en hryðjuverkamenn
• Ástralska ríkið samdi við vafasöm fyrirtæki

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: ESB hrynur - frjálslynt lýðræði sekkur