Helsta skotmark hryðjuverkasamtakanna Ríki íslams er franski þjóðernisflokkurinn Front National. Það sé ekki spurning um hvort heldur hvenær næst verði ráðist til atlögu í Frakklandi.

Í nýjustu útgáfu áróðursrits Ríki íslams, Dar al Islam, er að finna mynd af göngu félaga Front National undir fyrirsögninni: „Helsta skotmarkið“.

„Spurningin er ekki hvort ráðist verður á Frakkland aftur heldur hvernig verður ráðist á það og hvernig,“ segir í Dar al Islam, samkvæmt frétt The Local.

Franskur sérfræðingur í málefnum íslamista, sagnfræðingurinn Romain Caillet, birti þetta einnig á Twitter um helgina en hann er mjög virkur á samfélagsmiðlunum og fylgist grannt með starfsemi Daesh (Ríkis íslams). Í fyrsta skipti eru félagar í Front National nefndir sem skotmark í opinberum gögnum frá hryðjuverkasamtökunum.

Félagar í Front National hafa brugðist hart við þessum fréttum, þar á meðal varaformaður flokksins Nicolas Bay. Hann sendi fréttina í Twitterfærslu til Manuel Valls, forsætisráðherra og spyr hvort Valls sé sáttur.

Valls gagnrýndi FN harkalega í viðtali við Europe 1 nýverið og sagði flokksmenn rasista og gyðingahatara.

Að vísu bendir Caillet á að svo geti verið að merkingin sé önnur. Að félagar í Ríki íslams séu ósáttir og þreyttir á óábyrgum slagorðum þingmanna sósíalista sem segja að það að kjósa FN sé það sama og greiða Ríki íslams atkvæði í héraðskosningum. Þingmaðurinn segir að FN sé að sundra íbúum Frakklands sem sé sama takmark og Ríki íslams hefur.

Í desember birti Dar al Islam ábendingu til múslíma sem eiga börn í frönskum skólum um að þau ættu að taka börn sín úr skólum landsins og drepa kennara sem fylgi veraldarhyggjustefnu Frakka.

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Sterkir leiðtogar þegar miðjan hrynur
• Vésteinn Valgarðsson: Veraldarhyggju kennt um