„Hvort sem einhverjum líkar það eða ekki verður árið 2016 árið sem Evrópusambandið annað hvort nær að koma böndum á flóttamannavandann eða hrynur,“ ritaði Robert Fico, forsætisráðherra Slóvakíu, í dag í aðsendri grein í tékkneska viðskiptablaðinu Hospodářské noviny.

Varaði ráðherrann við því að Evrópusambandið væri á mörkum þess að hrynja. Fico gagnrýndi hugmyndir sambandsins um að ríki þess skiptu með sér þeim fjölda flóttamanna og förufólks sem komist hefðu inn fyrir landamæri þess. Þær hugmundir hefðu enda ekki skilað árangri. 

Ráðherrann sagði öllu skipta að Evrópusambandinu tækist að ná tökum á ytri landamærum Schengen-svæðisins og að þeir hælisleitendur sem ekki uppfylltu skilyrði þess að teljast flóttamenn yrðu sendir aftur til síns heima.

Fréttavefurinn Euobserver.com fjallar um málið.

Tengdar fréttir

Á flótta

Veitingastaður við flóttamannabúðir vekur athygli

• Tólf farendur hurfu í Ermarsundið
• Kemur ekki til greina að semja við ESB
• Telur smyglara ekkert betri en hryðjuverkamenn
• Ástralska ríkið samdi við vafasöm fyrirtæki

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Austur-Evrópa, flóttamenn og Rússar
• Heimssýn: Forsætisráðherra óttast að ESB hrynji