Rústa hluta frumskógarins
Setja bókamerki
Frönsk yfirvöld hófu í morgun að ryðja hluta flóttamannabúða skammt frá hafnarborginni Calais, Jungle (eða frumskógurinn) með stórvirkum vinnuvélum. Um er að ræða suðurhluta Jungle en dómari veitti heimild fyrir eyðileggingunni í síðustu viku.
Tvær gröfur og um 20 verkamenn eru að störfum í búðunum og fylgist lögreglan með framkvæmdum. Íbúarnir voru beðnir um að yfirgefa tjöld sín og skýli áður en framkvæmdir hófust en nokkur hundruð flótta- og farandfólk heldur til í búðunum í þeirri von að komast til fyrirheitna landsins hinum megin við Ermarsundið - Bretlands.
Guardian greinir frá því að íbúar hafi fengið klukkutíma til þess að taka saman föggur sínar og yfirgefa búðirnar í morgun. Að sögn Clare Moseley, sjálfboðaliði hjá Care4Calais, að lögreglan hafi mætt á svæðið um sjö leytið og girt svæðið af.
Frönsk yfirvöld sögðu frá því fyrr í mánuðinum að til stæði að jafna helming búðanna við jörðu og hvöttu 800-1000 manns sem halda til þar að yfirgefa búðirnar.
Verkfalli lækna aflýst á síðustu stundu
Fundur hafinn hjá kennurum, ríki og sveitarfélögum
Dæla, kæla og verja mikilvæg mannvirki
Rannsókn á menningarnæturmáli lokið
Auka aðgengi að Grindavík
Viðtöl við oddvitana í Suðurkjördæmi
Formaðurinn útilokar ekki undirritun í kvöld
„Sá vegur er bæði háll og myrkur“