Liðsmenn Ríkis íslams hafa tekið átta hollenska liðsmenn samtakanna af lífi sem voru sakaðir um að hafa ætlað að gerast liðhlaupar.

Guardian hefur þetta eftir Abu Mohammad, félaga í samtökum borgaralegra fréttamanna í Raqqa (Raqqa is Being Slaughtered Silently (RBSS). Hann segir á Twitter í gær að RBSS hafi gögn sem sýna að aftökurnar fóru fram á föstudaginn í Maadan í Raqqa héraði. 

Hollendingarnir voru sakaðir um að hafa ætlað að reyna að flýja og gera uppreisn. Áður hefur verið greint frá því að titringum sé á milli hollenskra skæruliða, sumir þeirra eru ættaðir frá Marokkó, og forvígismanna Ríkis íslams. 

Þrír hollenskir skæruliðar til viðbótar voru handteknir af liðsmönnum Ríkis íslams í Írak sakaðir um að ætla að flýja. Einn þeirra var barinn til bana við yfirheyrslurnar, samkvæmt RBSS. 

Mannúðarsamtökin Syrian Observatory for Human Rights hafa ekki staðfest fréttina um aftökuna á átta Hollendingum en segjst hafa heimildir fyrir því að þrír evrópskir skæruliðar af norðurafrískum uppruna hafi verið teknir af lífi í Wilayet al-Furat –svæði á landamærum Sýrlands og Íraks. Guardian hefur eftir hollensku öryggislögreglunni að 200 Hollendingar, þar af 50 konur, hafi gengið til liðs við Ríki íslams í Sýrlandi og Írak.

Guardian

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Ríki íslams í Danaveldi